لماذا نهوى من يعذبنا ؟
القلب اللي بيمشي ورا اللي بيعذبه، وبيبيع اللي بيشتريه لما القلب يختار الوجع برجليهجورج وسوف حب يوصل لينا وقفة مع النفس" ومواجهة صريحة مع القلب اللي ملوش مالكة.
كلمات الاغنيه :
شيء غريب , شيء عجيب
امرك يا قلبي شيء غريب
اللي صانك بتجافيه واللي خانك بتناديه
والله امرك شيء غريب
شيء غريب , شيء عجيب ..
اللي صانك ذنبو ايه عملك ايه دايمًا ناسيه
ياما كان بيخاف عليك حتى من نظرة عينيه
ليه يا قلبي مسهّرو ليه غرامك حيّرو
هو قلبك كان شاريه
اللي صانك بتجافيه واللي خانك بتناديه
والله امرك شيء غريب
شيء غريب , شيء عجيب ..
اللي خانك عايزو ليه بعد ما خان الحنين
شفت حبه عملك ايه دوّقك مر السنين
ليه يا قلبي مسهرك ليه غرامو محيرك
هو قلبو كان شاريك
اللي صانك بتجافيه واللي خانك بتناديه
والله امرك شيء غريب
شيء غريب , شيء عجيب ..
شرح المعاني :
"اللي صانك بتجافيه.. واللي خانك بتناديه. دي صرخة استغراب من النفس البشرية اللي أحياناً بتهرب من الأمان (الشخص اللي بيصون) وبترمي نفسها في حضن الخطر (الشخص اللي بيخون). الإحساس هنا فيه نوع من "الغيظ" من تصرفات القلب غير المنطقية.
الكلمات بتسأل سؤال بيوجع: الشخص اللي كان بيخاف عليك حتى من "نظرة عينيه"، ليه بتهمله؟ ليه بتسهّره وتخليه يعيش في حيرة؟ هنا الأغنية بتنصف الشخص المخلص اللي دايماً بيتحط "على الرف" لمجرد إنه مضمون وموجود، وبتحذر من خسارة القلوب اللي بتشترينا بجد.
اللي خانك عايزه ليه؟
الجزء التاني من التناقض هو التمسك بالشخص اللي "دوّقنا مر السنين". ليه القلب بيفضل سهران ومحتار في غرام شخص بخل عليه حتى بالحنين؟ السؤال هنا "استنكاري"؛ يعني يا قلبي فوق، الشخص ده عمره ما كان شاريك، وبُعدك عنه هو المكسب الحقيقي.
شيء غريب.. شيء عجيب
تكرار "شيء غريب" هو تأكيد إن الحب ملوش كتالوج، وإن المشاعر أحياناً بتكون عدوة لصاحبها. الأغنية دي بتخلي الواحد يراجع حساباته: هل أنا فعلاً مقدر الناس اللي صايناني؟ ولا بجري ورا سراب مش هيجيب لي غير الوجع؟
كاتب التدوينه محمدخروب