كلمات اغنيه طبيب جراح جورج وسوف الألم الدفين خلف ابتسامة الواثق

 لما يكون الوجع "مستخبي" تحت الضحكة

الشخص اللي الناس فاكراه سعيد و عايش في تبات ونبات ، وهو من جوه "بيقطع" في نفسه. وتعبان اوي 

الوجع الصامت والابتسامة الحزينة  طبيب جراح للفنان جورج وسوف، هذه الأغنية التي تعتبر علامة فارقة في تاريخ الأغنية العربية، حيث يجسد فيها أبو وديع دور المداوي لجراح الآخرين بينما ينزف قلبه في الخفاء، غناها ببراعة منقطعة النظير ليصف لنا الفرق الشاسع بين ما يراه الناس من ظاهرنا وبين الحقيقة المرة التي تسكن أعماقنا.

كلمات الأغنية:

طبيب جراح قلوب الناس اداويها 

وياما جراح سهرت الليل اداريها 

شافوني قالوا متهني 

من كثر الفرح بيغني 

تعالوا واسألوا عني انا اللي بيّ جراح 

اطباء الكون ما تشفيني

الكوبليه:

يا عاشقين قلبي زي الغريب بقالو زمان 

يا ناسين حبي نسيتو ازاي حبي اللي كان 

فين الوعود فين العهود 

فين المحبه والحنان 

شافوني قالوا متهني 

من كثر الفرح بيغني 

تعالوا واسألوا عني انا اللي بيّ جراح 

اطباء الكون ما تشفيني

الكوبليه:

ياما قاسيت ياما صمتي مرار وضحكي انين 

وضاعت الابتسامه والقطر فات من سنين 

فين الوعود فين العهود 

فين المحبه والحنان

شافوني قالوا متهني 

من كثر الفرح بيغني 

تعالوا واسألوا عني انا اللي بيّ جراح 

اطباء الكون ما تشفيني

شرح احساس الكلمات ومعانيها  والاغنيه :

  لخصت حال كل واحد بيشيل هموم غيره وهو شايل جبل وجع لوحده. "طبيب جراح" 

 شافوني قالوا متهني

أصعب حاجة في الدنيا إنك تكون "طبيب جراح"؛ يعني بتداوي جراح الناس، بتسمع شكواهم، بتهوّن عليهم.. والناس من كتر ما بتشوفك مبتسم وبتحل مشاكلهم، بيفتكروا إنك أسعد واحد في الكون. "من كتر الفرح بيغني" هي أكبر كذبة بيصدقها الناس عن الشخص القوي اللي بيغني عشان يداري "آهاته".

جراح سهرت الليل أداريها

المفارقة هنا إن الجراح اللي بيشفي قلوب الناس، مش لاقي "دكتور" يشفيه. هو عارف الوجع كويس، ومخبي جراحه عشان صورته قدام الناس متتهزش، أو عشان مفيش حد هيفهمه. جملة "أطباء الكون ما تشفيني" معناها إن وجعه مش عضوي، ده وجع "روح" مكسورة ملوش دوا في الصيدليات.

نسيتوا إزاي حبي اللي كان؟

هنا "السلطان" بيدخل في العتاب المباشر. بيسأل الناس اللي باعوا الحب بكل سهولة: "فين الوعود؟ فين العهود؟". المحب هنا بيحس إنه "غريب" في وسط ناس كان فاكرهم أهله وناسه، وده بيزود مرارة الجرح؛ إنك تدي أمان وحنان وتلاقي في الآخر "نسيان" وجحود. "ضحكي أنين"**

دي أقوى صورة في الأغنية؛ الضحك مش فرح، ده "أنين" بصوت عالي. والقطر اللي فات من سنين هو العمر اللي ضاع وهو بيحاول يسعد غيره ونسي نفسه، لحد ما لقى الابتسامة تاهت منه ومش عارف يرجعها تاني.

الأغنية . بتقول إن مش كل اللي بيغني فرحان، ومش كل اللي بيواسي الناس خالي من الهم. هي دعوة للناس إنها "تبص للي جوه القلب" مش بس للمظهر، لأن "طبيب الجراح" غالباً هو أكتر واحد محتاج حد يداوي جرحه.

الحان الموسبقار شاكر الموجي

كاتب التدوينه محمد خروب