| تدلل على ما تشتهي دامك المحبوب | وكسر شعاع الوقت ... ثم هاك تعويضة |
| تفضل سنينٍ ودها في هواك تذوب | تفضل حنين العين في كل تغميضة |
| أنا قلبي " المهر" الذي ما بعد مركوب | ألين التقى وياك ... ثم هان ترويضه |
| خذيته بعدها في حديثٍ غريب أسلوب | وخالطت بين شتاه والنار في قيضه |
| فيا من خلقك الله كامل بدون عيوب | ترى نبشك لجرحي علاجه وتمريضه |
| إذا ما نقضت الجرح في قلبي المسلوب | تمنيت كلي جرح تسعد بتنقيضه |
| ويا رحلة الغفران هاتي عطيني ذنوب | لأن الهوى ناره ذعاذيع من فيضة |
| تعب فيني الواشي يبي عن هواك أتوب | يروح ويجي ما فاد وياي تحريضه |
| يعذربك لكني أعذرب له العذروب | وأخليه ميزة فيك ... ويموت في غيضه |
| يا آدمي حس ! ما جيتك تسمعني | الليل برد وقصيدك ما يدفيني |
| تراجف عضاي ... صوت الريح يوجعني | وأحس شي ٍّ تغلغل في شراييني |
| أحس في خطوتي يمك تنازعني | كيف اختصار المسافة بينك وبيني |
| خذني لـ( صدرك )... شتتني وجمعني | ادخل متاهات صدري واحترق فيني |
| ضيع أنت فيني وأبي منّّك تضيعني | في غابةٍ تحترق فيها عناويني |
| خذ ما بدا لك ... حلالك ! ... لا تراجعني | بعض الطلب ينهي اللذة وينهيني |
| هات ... انفجر شوق , إزعل وارجع اصفعني | سو شي ... أي شي ... إلا إنك تخليني |
| أنت الوحيد الذي بالحيل جوّعني | بالحيل ... بالحيل ... لين ارتجت سنيني |
| وش يمنعك دام ما كو ... شي يمنعني | ينده لك ... الجمر ... والنفنوف ... وايديني |
| أرجوك في طبع غيري لا تطبعني | ماني ملاك الطهارة ... لا تبريني |
| غلطان كانك عن الزلة مرفعني | النار في داخلي ... من بعض تكويني |
| إيه اشتهيتك ! وصمتي مو بنافعني | لو الزم الصمت ... تفضح حاجتي , عيني |
| للريح قط الورق , للنار واتبعني | أمّا أنت ميّت معي , وإلا أنت محييني |
الكتابة :
| |
إبرةٍ مثقوبة من لامكان
| |
في لازمان
| |
إبرةٍ يدخل بها خيط الدخان
| |
وينسج الشاعر ثيابه !!!
| |
غرغر الما في نراجيل العطاشا
| |
قلت له مهلك ؟
| |
آآه ياهذا الدخان اللي تلاشا
| |
ليتني مثلك !
|
الشتا الساهي:
| |
ملاهي
| |
للعصافير
| |
للفراش
| |
ويشربك حزنك
| |
تكتب انك تكتب ويبدا النقاش
| |
وتمطر مزنك
| |
تِسألك ام العيال عن المعاش
| |
وينكسِر وزنك ..
|
