بيت شعر قصيدة طبيعة السيل فهد عافت

نوفمبر 09, 2014
طبيعة السيل ينزل والبشر ترتوي إلا المآذن لطهر السيل فيها صعد
ويا ابن آدم الرزق ما يضعف وربك قوي والآدمي رزق لرزقه: كفاف ورغد
وان قيل من يتبع الشاعر ؟ قل المنغوي وان قيل من يغوي الشاعر ؟قل ابن الفهد
عبد العزيز البحر خيره وما يحتوي عبد العزيز البحر شره واشروا اشد
عبد العزيز البحر من غير ما يرعوي موجه لساحل ، حشى موجه عن انه يحد
جا للفهد خادم وصاحب وزير وخوي يا طيب طيب الأبو يا طيب طيب الولد
يلوي ذراع المكارم والمراجل لوي ما احد خذا الطيب طيب الطيب غصب انوجد
نجم ولاله من الأنوار ما ينزوي حر ولاله من الأوكار غير الهدد
لا من عطا ما بقى في الناس عقل سوي ولا من خذا كل من فوق البسيطه رشد
ما ينتوي ياصل الواصل قبل ينتوي ولا ياعد ويافي الوافي بليا وعد
أطيب من ال وأشجع ال وأعز من ينروي فراغ الاسما ولا تثمر غصونه باحد
ولا هو بالاول على الدنيا لما يحتوي ترتيب الاول على ثاني يهين العدد
الفكر فكر حضري والراس راس بدوي وش يصلح الملح ؟ هذا يصلحه لا فسد
رجل معه نجمة الحكمة تضوي ضوي اعلى جبين بها الدنيا جبين سجد
جيته بهم تخاف النار لا تكتوي باللي ترمد على اطرافه من امس وهمد
فزع كذا (تعرف انت النجم كيف يهوي؟) جاك متجمع كذا ما كنه الا الحسد
مثل الحسد شيء بشيء بشيء طوي ما شابه الا نقيض الروح به والجسد
جيته وذيب النكد وسط الضلوع يعوي واليوم أنا كيف آبا اوفي جميل النكد ؟
الحزن دايم مرتب والفرح فوضوي والشعر ما يثبت من حروف فكر شرد
يا رب انا ويش انا لو مطمعه دنيوي وش ينتظر مني انت اجزه عليك العمد

ليست هناك تعليقات

الاشتراك في: تعليقات الرسالة ( Atom )
'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();