بيت شعر قصيدة غمازتين وسنا فهد عافت

احيان احس ان انا غمازتين وسنا	لبنية سيلتها حشمة زايده
واحيان احس ان انا موسم حصاد وجنا	في قرية نايده في بلدة نايده
واحيان احس النفل بعضي يمر الغنا	راعي غنم يحطب من ضلوعي البايده
واحيان احس ان انا ويا الهبوب تننا	للغصن نلبس ثياب الصبح ونعايده
واحيان واحيان احس ان الضبا بي هنا	واليا تحركت اخاف اذير القايده
واحيان اوقف عدوي واسأله اينا	بنا انا وايني بك جمرة قاديه
في صوت فيروز انا الصفصاف والميجنا	وانا مع حجاب شرق وطايره عايده
كلي من احيان من أشيا بسيطه بنا	تمر في صمت واستسلام ومحايده
أحرث من الداخل اقصاها هدام وبنا	لغاية الارض ماتصبح بنا مايده
وانا اكتب الشعر لي أو لي ولك أو لنا	كذا بلا ايدلوجيات ومزايده
الشاعر اللي من الخارج عذاب وضنا	في داخله همت المتمنعه رايده
الشاعر اللي مثل شمع نحيل فنا	حقيقته شمس تستلقي على المايده
اياك ترثين لي أو تحسبين ان انا	غالطت نفسي بلا داعي ولافايده
ماهو صحيح ان انا اباعدت عما دنا	فقط لأني أحب الوعر والكايده