كلمات اغنية خاسر اللي يعد حمد الطيار

خاسر اللي يعد الحب له راس  مالـي
والله اني بعد جربت وضعه  ماريـده

والله اني مااعدك ياابعد الناس غالـي
بعد ماشفت من جوره وهمـه وكيـده

وعساي ان هويت بعمري اللي بقى لي
يفقدن من دحيم ويفقـدن مـن فريـده


بعد جربت واجـد قلـت  ياهملالـي
من تورط ببنك الحب يفقـد رصيـده

من جحيم الموده يكفي اللي جرى لـي
انشد اللي يجاذب عبرته فـي وريـده

درستنا الليـال وعلمونـا  الرجالـي
والغرام المزيف يقطـع الله حصيـده

وحسايف سهر عيني بسـود الليالـي
ساهر اشرب الدله واسـوي قصيـده

كم تعنيت لاجلـك جمـل الله حالـي
لاجل عينيك عاني من بـلاد  بعيـده

كان قلبك من اللي ينعش الروح  خالي
بعت حبك برخص ولاحيـاة زهيـده

مير خلك بفالـك واتركينـي  بفالـي
عن غرامك طويت اليوم صفحه جديده